Fem koronapasientar innlagde på Helse Fonna – reduserer planlagd drift
Helse Fonna reduserer planlagd drift for å ha nok senger dersom koronasmitten aukar. Fem personar er innlagde med koronavirus på sjukehusa i helseføretaket.
Alle pasientar er innlagde på Haugesund sjukehus, opplyser Helse Fonna i ei pressemelding måndag. Ikkje sidan starten av april i fjor har talet på innlagde koronapasientar ved Haugesund sjukehus vore så høgt.
Helse Fonna opplyser at dette fører til at planlagd drift blir redusert, for å ha nok ledige senger dersom talet på koronapasientar aukar meir.
Artikkelen held fram under annonsen.
Ein av dei fem er innlagde det siste døgnet. Ingen av pasientane hadde måndag behov for intensivbehandling.
(©NPK)
