Elevrådsleiar Sondre Fagerheim Lunestad (i midten) spurde nyleg statsminister Jonas Gahr Støre (Ap) om ei teneste på vegne av 9.-klasse. Her er elevrådsleiaren ved Kvam ungdomsskule på demokratiopplæring i heradsstyresalen. Ved sidan av han står Vegard Eide Aase (t.v.) og Hallvard Valland Norheim.

– Fekk nei frå statsministeren

Statsminister Jonas Gahr Støre (Ap) takka fint nei då han vart spurd om å halda opningstalen til neste års vinterfest.

Ragnhild Økland Børven
Publisert Sist oppdatert

Det var elevrådsleiar Sondre Fagerheim Lunestad ved Kvam ungdomsskule som tok kontakt på vegne av 9.-klasse. Lunestad hadde håpa å toppa fjoråret, skriv han i ein e-post til Støre. På vinterfesten til Kvam ungdomsskule i vinter hadde nemleg 2008-kullet fått finansminister Trygve Slagsvold Vedum (Sp) til å halda opningstalen – digitalt og i opptak, vel å merka.

– Helsinga treng vera korkje lang eller stor, skreiv Lunestad til statsministeren.

Rådgjevar Robin Vienberg ved Statsministerens kontor takka for førespurnaden, og opplyste at statsministeren får mange slike førespurnader. Han skulle gjerne ha kome alle i møte, men ein ekstremt tettpakka kalender gjer ikkje det mogleg, skriv Vienberg.

kvam ungdomsskule kuriosa og kjendisar kuriosa nyhende
Laga med Labrador CMS