Fekk medalje for arbeidsinnsats
Førre fredag vart Hildegunn Tombre Nesbø heidra for 30 års arbeid i Coop.
Ho fekk medalje for lang og tru teneste frå Det Kongelige Selskap for Norges Vel. Det opplyser Lise Skarpås, administrerande direktør i Coop Hordaland SA, i ei pressemelding.
1. november 1994 vart Nesbø tilsett som ekstrahjelp ved det som då var Kvam samvirkelag. Ho har sidan arbeidd i ulike stillingar i butikkar i Norheimsund og Øystese. Sidan 2004 har ho vore tilsett som butikksjef ved Coop Byggmix i Øystese.
– Eg er veldig takksam for innsatsen og stå-på-viljen Hildegunn viser kvar dag. I tillegg er eg svært stolt av at ho har valt å vera hjå oss i alle desse åra, skriv Skarpås.
Ifylgje Skarpås er Nesbø ein god kollega og eit kjent andlet for kundane. I 2019 fekk Nesbø «erkjentlighetsmerke» frå arbeidsgjevaren, men merket vart ikkje delt ut før i 2022 på grunn av pandemien.
Les også:
