Arild Solheim (51), busett i Norheimsund og opphavleg frå Jondal, er tilsett som avdelingsleiar på Jondal skule. Det opplyser konsulent Anna Dagny Aarhus i Ullensvang kommune.
Solheim var den eine av to søkjarar til jobben. Den andre var Martin Ola Strand (31), som bur på Torsnes. Det går fram av den offentlege søkjarlista. Solheim bad om å få sleppa å stå på lista, men fekk ikkje gjennomslag for det. Han trur offentleggjering av namn på søkjarar kan få folk til å vegra seg for å søkja på jobbar.
