Norvald Haugen på Kysnesstrand fekk ikkje gjennomslag for å dela frå ei tomt på 2,2 mål då utval for samfunn, plan og næring drøfta saka 4. november. Vedtaket om avslag var samrøystes og i tråd med innstillinga til rådmannen.
Haugen ynskte å dela frå tomta med våningshuset på gard nummer 350/11. Bakgrunnen var at han ynskjer å selja landbrukseigedomen, men sjølv halda fram med å nytta våningshuset som bustad. Rådmannen viser til at frådelinga ikkje vil styrkja busetjinga eller føra til ein tenleg og varig driftsstruktur, og til at kjøparen ikkje driv aktiv landbruksdrift.
– Saka ville ha stilt seg annleis dersom jorda vart seld som tilleggsjord til ein eigedom i aktiv drift, og dersom ein ville nådd ei driftsmessig god løysing, skriv rådmannen.
