Fekk 70.000 kroner i bot
Ein mann frå Kvam må 16 dagar i fengsel og betala 70.000 kroner i bot etter å ha køyrt bil med promille.
Publisert
Det kjem fram i ein dom frå Hordaland tingrett. Domen er ikkje rettskraftig.
I tillegg til bot og fengsel mistar kvemmingen retten til å føra motorvogn i ein periode på 23 månadar. Han må ta førarprøven ein gong til om han vil køyra igjen.
Annonse
Bakgrunnen for domen er at mannen vart stogga av politiet i Bergen sentrum ein laurdag morgon i vår. Kort tid etter at han vart stoppa, bles han til ein promille på 0,9.
Då mannen møtte i retten i midten av juni, tilstod han utan atterhald, noko retten legg vekt på i formildande retning. I skjerpande retning vert det lagt vekt på at kvemmingen køyrde sentralt i Bergen sentrum på ei tid med mange personar i gatene på grunn av eit arrangement.
