Farevarsel for flaum og regn på Vestlandet

Meteorologane har sendt ut farevarsel for flaum på oransje nivå for indre delar av Vestlandet. Enkelte stader er det venta 150 millimeter regn på eit døgn.

Det er venta fleire skred, skriv Varsom på nettsidene sine.

– Somme av dei kan få store konsekvensar. Utsett busetnad kan bli ramma. Framkomme på veg eller jernbane kan bli redusert, skriv nettstaden.

For Vestland fylke er det også sendt ut gult farevarsel for regn. Ifølgje Yr er det venta frå 80 til 120 millimeter regn på 24 timar i midtre og indre strøk av Vestland.

I midtre strøk kan det lokalt komme rundt 150 millimeter på 24 timar.

Faren aukar frå torsdag ettermiddag, og minkar laurdag morgon.

(©NPK)