Fare for kolonnekøyring over Haukelifjell og Hardangervidda
På grunn av dårleg vêr er det onsdag kveld fare for kolonnekøyring over E134 Haukelifjell i Vinje/Ullensvang, Vestfold og Telemark/Vestland.
– Fare for kolonnekøyring på kort varsel på grunn av vêret som er på veg inn frå søraust, skriv Vegtrafikksentralen på X (tidlegare Twitter) om Haukelifjell.
Det er sendt ut gult farevarsel for kraftig snøfok og vindkast på Haukelifjell. Uvêret skal auke ved 20-tida og vare fram til 6-tida torsdag morgon.
Artikkelen held fram under annonsen.
Fjellovergangen på Haukelifjell var ved 18-tida framleis open, men dette kan raskt endre seg.
– Det er høg risiko dei neste 24 timane for å innføre kolonnekøyring eller stenging viss vêret tilseier det. Det gjeld også fjellovergangane på Hol – Aurland og Hardangervidda, sa trafikkoperatør Sara Bendiksen i Vegtrafikksentralen til NRK onsdag morgon.
Også på riksveg 7 over Hardangervidda er det fare for kolonnekøyring.
– På grunn av mykje vind og generelt svært dårleg vêr, så er det fare for kolonnekøyring allereie rundt 20-21-tida. Det kan også bli stengt for personbilar på kort varsel, skriv vegtrafikksentralen.
(©NPK)
