Får redusert gebyrutlegg
Mundheim Grendautval slepp å betala eit gebyr for handsaming av dispensasjonssøknaden for kaien som skal gjenoppbyggjast på Mundheim.
Det går fram av eit brev frå rådmannen.
Det inneber at utvalet får gjennomslag og slepp å betala 19.133 kroner. Rådmannen held på gebyret på 7.700 kroner for handsaming av byggjesøknaden.
Det opplyser leiar i utvalet, Annveig Røyrvik Leirstein. Ho er nøgd med å få lov til å betala mindre.
– Det var veldig kjekt at me fekk ein lette. Å måtta betala tilbake til heradet all stønad me har fått for å gjera tiltak i nærmiljøet, ville vore veldig surt, seier ho.
Utvalet forstår at det må betala når heradet har gjort ei teneste. Det er betre enn å måtta betala eit gebyr for å betala eit gebyr, tykkjer utvalet.
– Me har forståing for at heradet ikkje kan sjå bort frå alle kostnader, seier Leirstein.
Rådmannen opplyser at letten er gjeven i tråd med praksisen i liknande saker.
