Får pengar til vasstilvenjing

Det opplyser Statsforvaltaren i Vestland til Kvam herad. Barnehagane er dei i Norheimsund, Strandebarm, Tørvikbygd, Bjørketeigen og Sjydnahaugen i Øystese og Ålvik.

Tiltaket går ut på at borna skal verta trygge i, og venjast til, vatn gjennom leik. Heradet søkte om pengar til 69 born.

Tilskotet vert gjeve med ein maksimalsats per barn per kalenderår. I 2024 er satsen 2.000 kroner. Totalsummen for 69 born er 138.000 kroner. Sidan Kvam herad har fått overføra 44.000 kroner frå kalenderåret 2023 til 2024, har Statsforvaltaren trekt summen frå totalsummen.

Tilskotet skal bidra til at kommunar, frivillige organisasjonar og barnehagar kan gje born i alderen 4–6 år i barnehagar tilstrekkeleg symjeopplæring.