Får byggja badstove
Eikelandsparken AS har fått løyve frå formannskapet i Samnanger til å setja opp ei flytande badstove.
Det melder Samningen. Selskapet får dispensasjon frå byggjeforbodet langs vassdrag og frå landbruks-, natur- og friluftsføremålet i kommuneplanen, sjølv om Statsforvaltaren er kritisk.
Styreleiar i Eikelandsparken AS, Helge Werner Fondenæs, seier til Samningen at han ynskjer at folk skal nyta naturen ved Eikedalsvatnet. Selskapet håpar at badstova vil stå klar neste år.
