Får betre breiband i Kvam og Ullensvang

Tilskota vart vedtekne i hovudutval for næring 12. juni. Dei går i Kvam til utbygging i områda Fykse, Rosseland i Steinsdalen, Haukås i Strandebarm og Nes mellom Oma og Mundheim. Her skal det ifylgje den godkjende lista finnast 77 husstandar eller verksemder som kan få betre dekning. Kvam herad skal sjølv yta 200.000 kroner.

Ullensvang kommune har altså fått til saman 4 millionar kroner til utbygging i områda Litlås–Hesthamar, Hovland–Sekse, Børve og Oddadalen.

Neste steg er å lysa ut anbodskonkurransar for sjølve bygginga, skriv fylkeskommunen på vlfk.no.

Summane er ifylgje saksutgreiinga maksimaltilskot som kan verta justerte dersom førebuinga til konkurransen tilseier det, eller når endeleg kontrakt for utbygginga er klar. Tilskota vert gjevne under føresetnad av at prosjekta kan gjennomførast i tråd med dei nasjonale retningslinene. Pengane kjem nemleg frå tilskot i statsbudsjettet.

Målet med ordninga er å delfinansiera utbygging i område der det ikkje er kommersielt lønsamt å byggja ut, og der husstandar og verksemder i dag har breiband på under 100 megabit per sekund.

Midlane skal delfinansiere utbygging i område der det ikkje er kommersielt lønsamt å byggje ut. Målet er å gje husstandar og verksemder som i dag har under 100 Mbit/s breiband betre dekning.

Til saman fordelte hovudutvalet 38,9 millionar kroner til prosjekt i 8 kommunar. 15 kommunar søkte om i alt 90 millionar.