Fann sakna kvinne på Kvamskogen
Ei demensråka kvinne i 70-åra var sakna frå hyttefeltet Røyro onsdag kveld. Etter ein leiteaksjon vart ho funnen.
Publisert
Sist oppdatert
Klokka 00.34 vart kvinna oppdaga, heilt uskadd, og vart ført til hytta der ho høyrde heime, opplyser Vest politidistrikt.
Politioverbetjent Jarle Sjo Myklebust i Kvam politistasjonsdistrikt opplyser at kvinna var nedkjølt, men i god forfatning då ho vart oppdaga ikkje så langt frå hytta ho har tilknyting til. Ho fekk tilsyn av lege før ho fekk reisa tilbake til hytta, fortel han.
Annonse
Meldinga om at ho var sakna, kom klokka 20.40, men kvinna hadde vore vekke sidan klokka 16, ifylgje Vest politidistrikt. Kvinna har bustadadresse i Bergen.
Mannskap frå Raudekrossen, Norske Redningshunder og Norsk Folkehjelp deltok i leiteaksjonen.
