Fann litt å setja fingeren på

Tilsynet vart gjennomført måndag 20. november. I tilsynsrapporten heiter det at verksemder som importerer tømmer og treprodukt frå utanfor EØS, skal ha skriftlege rutinar som sikrar at det vert utøvd høveleg aktsemd. Slike rutinar har ikkje Torpe Møbelfabrikk.

Direktoratet avdekte også at verksemda ikkje hadde henta inn naudsynt dokumentasjon eller vurdert risikoen før den importerte ei sending med eikemøblar frå Ukraina. Sidan eik er ettertrakta og kostbart, er risikoen for ulovleg hogst stor.

Miljødirektoratet krev at verksemda dokumenterer skriftleg innan 15. januar at avvika er retta.