Fall av taket under sløkking

Då brannvesenet rykte ut for å sløkka ein hyttebrann på Kvamskogen i sommar, sklei ein brannkonstabel ned frå taket då det skulle rivast. Arbeidstilsynet har følgt opp saka.

Ifølge rapporten skulle røykdykkarane riva taket nedanfrå, ut frå risikovurdering og ordre. Det er uklart kvifor den skadde klatra opp på taket. Han hugsar ikkje sjølv hendinga, noko som er vanleg i slike situasjonar, ifølge rapporten.

Kvam brann- og redningsteneste (KBR) har gått gjennom hendinga og vist at alle rutinar før innsatsen vart følgde, at røykdykkarane hadde etablert elektronisk kommunikasjon, at meldingar frå leiaren til røykdykkarane vart oppfatta, at risikovurderinga skildra korleis taket skulle rivast. Mannen handla såleis i strid med rutinane.

Vidare har tenesta sett i verk kontinuerlege tiltak for å poengtera og repetera tydinga av å følga ordrar for alt mannskap, og å gjenta ordrar munnleg på kommunikasjonssambandet.

Arbeidstilsynet har avslutta saka.