Færre ledige i Kvam og Ullensvang

Kvam hadde 36 heilt arbeidsledige i juni. Det utgjer 0,8 prosent av arbeidsstyrken. Talet for same månad i fjor var 69, noko som inneber at det har vore ein nedgang på 48 prosent, syner statistikk frå Nav.

Ullensvang hadde 50 ledige personar i juni, noko som utgjer 0,9 prosent. I fjor var talet 83. Nedgangen er på 40 prosent.

Det var i juni i Kvam 37 utlyste stillingar, 9 av dei innan helse, pleie og omsorg. I juni i fjor var det 22 utlyste stillingar.

I Ullensvang var det i juni 78 utlyste stillingar, 21 av dei innan helse, pleie og omsorg. I same periode i fjor var talet på utlyste stillingar 138, ifylgje Nav-tala.