Få er utan arbeid
46 – 5 færre enn på same tid i fjor – var arbeidsledige i Kvam i juli.
Dei utgjorde 1,1 prosent av arbeidsstyrken, syner ny statistikk frå Nav Vestland. I Ullensvang var berre 0,9 prosent eller 49 personar utan arbeid.
I heile Vestland var 6.443 personar heilt arbeidsledige. Dei utgjorde 1,9 prosent av arbeidsstyrken, og er 654 fleire enn i juli i fjor. I heile landet er snittet 2,1 prosent arbeidsledige.
Kvam hadde 17 delvis arbeidsledige i juli, mot 30 i Ullensvang. 14 personar, eller 0,3 prosent, var arbeidssøkjarar på tiltak i Kvam i juli. I Ullensvang var 16, også der 0,3 prosent, på tiltak.
I Kvam vart 23 ledige stillingar registrerte i juli, mot 52 i Ullensvang, røper Nav-tala.
Ifylgje ei pressemelding frå Nav er fleire enn kvar 5. av flyktningane frå Ukraina mellom 20 og 66 år i arbeid i fylket.
– Me ventar at talet vil halda fram med å stige. For å få nytte av den arbeidskrafta og kompetansen dei har med seg, er me avhengige av eit godt samarbeid med bedrifter og næringsliv, seier fungerande fylkesdirektør Knut Steinar Eitungjerde i NAV Vestland.
