– Få bryt fartsgrensa
Etter innspel frå bebuarar målte Kvam herad farten ved leikeplassen på Torpe i haust.
Publisert
Sist oppdatert
Målinga gjekk føre seg frå 29. august til 9. september, og heradet konkluderte med at få bryt fartsgrensa.
929 køyretøy passerte i måleperioden. Gjennomsnittsfarten var 23 kilometer i timen i retning Øystese, og 25 kilometer i timen i motsett retning. Fartsgrensa er 30 kilometer i timen.
Annonse
Høgste fart målt nedover var 61 kilometer i timen. Høgste fart oppover var 45 kilometer i timen. Totalt køyrde 69 køyretøy – nær 8 prosent – over fartsgrensa. Dei fleste passeringane som var over fartsgrensa, vart registrerte på kveldstid, skriv heradet i rapporten om målinga.
