Få braut fartsgrensa
Etter innspel frå bebuarar i Øystese plasserte Kvam herad ei elektronisk fartstavle ved brua over Øysteseelva i Holmane.
Tavla har vist farten til trafikken på ein stor skjerm. I tillegg har ho registrert kor mange køyretøy som har passert og kva fart køyretøya har hatt.
Fartsgrensa er 30 kilometer i timen på staden. Målingar i perioden 11. juni–2. juli viser at gjennomsnittsfarten er 19 kilometer i timen. Det kjem fram i ein kommunal rapport om trafikkmålinga.
Annonse
505 køyretøy passerte tavla i måleperioden. 11 låg over fartgrensa, og den høgaste farten var 52 kilometer i timen.
