Kvam brann og redning la ut ei mellombels lense ved den sokne båten ved Framnes i Vikøy laurdag 18. februar. Lensa er nyleg fjerna, men båten låg der framleis i helga.

Etterspør ein plan B

Framnes Kristne Vidaregåande Skule vil vita om Kvam herad har ein plan for å fjerna båten som sokk utanfor Framnes i vinter.

Håkon Norheim
Journalist
Publisert

Undervisingsinspektør Jostein Moldsvor har vendt seg til teknisk sjef Lars Ese Ur, då han er usikker på om båten vil verta fjerna i privat regi.

Heradet har lova å fjerna båten sjølv dersom ikkje eigaren gjer det innan 12. mai, noko Moldsvor er takksam for.

Båten ligg ugunstig til, rett utanfor ei flytebryggje, i eit område som vert mykje nytta til padling og bading. I tillegg ligg han midt i seglingsleia til båthamna til Vikøy Båtlag og nær eit populært friluftsområde, skriv Moldsvor.

Skulen ynskjer difor at båten vert fjerna raskast mogleg etter 12. mai, dersom han ikkje skulle verta fjerna før.

vikøy samferdsel offentleg administrasjon nyhende natur og miljø framnes kristne vidaregåande skule forureining
Laga med Labrador CMS