– Er de med?

Det opplyser fylkeskommunen etter å ha rekna på kostnaden med å halda oppe ruteproduksjonen, på oppmoding frå Hardangerrådet.

Fylkestinget vedtok i desember å kutta den fylkeskommunale ytinga til turistbåttilbodet med to millionar kroner frå og med i år. Fylkeskommunen opplyste i eit møte i rådet 18. januar om at det i praksis inneber at båten ikkje vil gå i april og oktober, men frå og med mai til og med september.

Kostnadsestimatet føreset at ekstra ruteproduksjon vert i tilknyting til den planlagde, altså som ein tidleg start eller ei lenging på slutten av sesongen, opplyser leiar for kontraktsavdelinga i fylkeskommunen i eit brev til Hardangerrådet.

Hardangerrådet har dei siste åra bidrege med 0,5 millionar kroner årleg til ruta. Om ruta til dømes skal utvidast med to veker, må rådet hosta på 1,22 millionar kroner til.

Vel å merka tek Nygård atterhald om indeksregulering av kostnaden, og om at driftsoperatør Norled AS ikkje har medverka til kalkylen.

Fylkeskommunen treng ifylgje Nygård å vita det raskt om regionrådet ynskjer å bidra til utvida sesong, særleg om det er aktuelt med drift i april. Ordførar Torgeir Næss (Ap) i Kvam herad opplyser at han reknar med at ordførarane må snakkast om saka. Han ser føre seg at ein prosess der leiinga i rådet samarbeidet med til dømes Visit Hardangerfjord AS og eventuelt næringsliv om å leggja til rett eit grunnlag for avgjerder i kommune- og heradsstyra.