Entusiasme for sykling ved Strandebarm skule
Rektor og avdelingsleiar ved Strandebarm skule, Camilla Støen Bakke, etterlyste i mars ein sykkelbane ved skulen på vegner av elevrådet.
— Dei er gira på prosjektet! skriv Bakke.
Seinare har rektoren skrive at ho saknar tilbakemeldingar frå kommunen om forslaga skulen har kome med.
Ho vonar på eit godt samarbeid og eit område som kan vera eit friområde og ein sykkelbane med til dømes benker rundt.
— Det er stor entusiasme for sykling her i bygda, og me har opna for sykling for dei større elevane i skuletida. Me har òg sykkeldagar. Så ein sykkelbane hadde gagna oss i skulen, skriv Bakke.
Ho ber om å få eit område definert til føremålet.
Prosjektleiar i Kvam herad, Tore Skeie, har svara elevrådet at tiltaket kan vera interessant av mange grunnar, men at det må gjennomførast på vanleg måte. Ein innfallsport kan vera at skulen fremjar det som eit helse- og trivnadsprosjekt gjennom dei vanlege kanalane, skriv han.
