Elkem vurderer CO₂-fangst
Metallindustri-verksemda Elkem har eit langsiktig mål om å ha karbon-nøytral metallproduksjon. Derfor vurderer dei no om dei skal starte med CO₂-fangst ved fem av anlegga sine her i landet.
Det er Bjølvefossen i Ålvik, Bremanger, Rana, Salten og Thamshavn i Orkanger.
I første omgang skal dei undersøke dei økonomiske og tekniske moglegheitene for karbonfangst ved anlegga, skriv verksemda i ei pressemelding.
