Elevråd tek ordet for eiga framtid
Elevrådet ved Tørvikbygd skule håpar ikkje at skulen vert lagd ned.
Det går fram av eit høyringsinnspel til Kvam herad i saka om nedlegging av skulen, der høyringsfristen var 20. januar.
Elevrådet påpeikar at elevane er nøgde med skulekvardagen. Rådet skriv at elevane får lengre reiseveg og mindre fritid dersom skulen vert nedlagd.
Annonse
Elevane framhevar at det er viktig for Tørvikbygd å ha ein skule i bygda, fordi det bidreg til samhald utanom skuletida. Elevrådet undrar om barnehagen i Tørvikbygd kan verta det neste tilbodet som vil ryka.
Rådet skriv at Tørvikbygd skule har ein lang tradisjon med uteskule, og at elevane fryktar at tilbodet forsvinn dersom skulen vert nedlagd.
