Ekstremvêret: Endå fleire bustader evakuerte i Ullensvang
22 bustader er evakuerte på Lofthus i Ullensvang kommune på grunn av høg vasstand i elva Opo som følgje av ekstremvêret Jakob.
Alle dei evakuerte er innlosjerte på Krossvoll samfunnshus, opplyser Vest politidistrikt.
– Det er sett i verk evakuering av bustader ved Hordatunvegen på Lofthus. Ein er redd for at brua der ute skal kollapse. Situasjonen er krevjande. Det blir jobba med evakuering av fleire hus på Lofthus no, opplyste kommunen tidlegare i ei pressemelding.
Annonse
Også Ullensvang Gjesteheim er evakuert, opplyser kommunen.
