– Eit høgdepunkt i veka

– På Origo treng eg ikkje å bera ei maske. Eg kan vera meg sjølv, og dei eg omgåast, likar meg for den personen eg er, seier Kristina Sangolt.

For henne er Origo eit kvar veke høgdepunkt, og noko ho ser fram til i kvardagen. Ho er ei av dei som har delteke på arrangementet kvar fredag i halvtanna år, og er i tillegg frivillig deltakar i styret. Ho bidreg til å planleggja og gjennomføra aktivitetar.

Sangolt set pris på fellesskapet. Origo blir betre for kvar ny person som sluttar seg til, seier Sangolt.

Origo er ein ungdomsklubb som tilbyr aktivitetar for elevar frå 8. klasse til omtrent 3. året på vidaregåande skule. Møta vert haldne kvar fredag utanom feriane, og inkluderer andakt, ulike aktivitetar og kafé. Staden vekslar mellom Øystese bedehus og Norheimsund bedehus.

Kvar samling har eit variert program. Døme på aktivitetar kan vera konkurransar, aktivitetar som «grip mikrofonen», bordtennis og kviss. Målet er å skapa ei mangfaldig oppleving som appellerer til alle. Vanlegvis deltek 30–50 ungdomar, og alle er velkomne.

Julie Haaberg har hovudansvaret for Origo. Haaberg seier at det beste med jobben hennar er å møta ungdomar og bli kjende med dei. Eit anna gledeleg aspekt er at ein får vera ein trygg person for mange unge. Ungdomstida er ein turbulent fase, og det å få vera der og støtta dei gjennom henne er utruleg gjevande, seier Haaberg.

HF gjer merksam på at artikkelforfattarane er mediefagelevar på Framnes Kristne Vidaregåande Skule. Teksten er skriven som del av undervisinga. Red.