– Ein varm og tørr marsmånad
Det var varmare og tørrare enn normalt i Kvam og Jondal.
Publisert
Sist oppdatert
Tal frå nettsida seklima.met.no fortel om ein månad som var varmare enn normalen.
Målestasjonen på skisenteret på Folgefonna målte ein middeltemperatur på -1,9 grader. Det er 2,3 grader varmare enn normalen i perioden 1991 til 2020.
Annonse
På Kvamsøy var middeltemperaturen 5,5 grader. Det er 2,4 grader over normalen.
På Jonshøgdi på Kvamskogen var middeltemperaturen 1,7 grader. Dette er 2 grader varmare enn vanleg.
På Kvamsøy kom 130 millimeter med nedbør. Det er 74,7 prosent av normal nedbørsmengd. På Jonshøgdi var nedbørsmengda 192,2 millimeter, eller 69,9 prosent av normalen.
Stasjonen på skisenteret på Folgefonna registrerte ikkje nedbørsmengda i mars, men i Øvre Krossdalen kom 126,5 millimeter nedbør. Det er 70,7 prosent av normalen.
