Ein skredfarleg måndag
Rotbløyta kjem etter helga denne gongen. Kriseleiing er allereie sett i Kvam.
Det er nemleg varsla monaleg risiko – på såkalla oransje nivå – for jord-, sørpe- og flaumskred frå måndag morgon til fredag. I tillegg er det venta stor fare for snøskred i fjella i Hardanger.
Regnet er venta å byrja som snø måndag morgon, men vil snart gå over til regn. Det kan attpåtil verta fare for flaum, påpeikar Kvam herad i ei pressemelding.
Artikkelen held fram under annonsen.
Vegar og kommunale tenester er venta å vera opne som normalt, men det er sett kommunal kriseleiing for å førebyggja. Folk flest kan bu seg ved å syta for ymse tiltak som sikrar at vatnet får renna bort, og ved å moka snøen av tak og terrassar.
