Éin køyrde mot forbodsskilt
Bilføraren vart bøtelagd då utrykkingspolitiet hadde kontroll i Jondal.
Det opplyser politistasjonssjef Øystein Torsnes ved Hardanger politistasjon.
Torsnes opplyser at politiet både hadde promillekontroll og sjekka korleis trafikantane oppfører seg i trafikken. Kontrollen fann stad mellom klokka 11 og 15 tysdag.
Annonse
Ein person fekk forenkla førelegg for å køyra mot eit skilt som varslar at det er forbode å køyra inn mot ferja, seier Torsnes.
Han fortel at 69 førarar vart promillekontrollerte. Ingen hadde utslag på alkometeret.
På turen fram og tilbake til Jondal stoppa politiet to som køyrde for fort. Den eine vart stoppa i 80-sona mellom Jondal og Jondalstunnelen, og den andre i Folgefonntunnelen. Begge fekk forenkla førelegg, seier Torsnes.
