Ein kjølig januar-månad
Temperaturen i Noreg var 2,2 grader under normalen i januar.
Det skriv Meteorologisk institutt i den klimatologiske månadsoversikta.
Målestasjonen på skisenteret på Folgefonna målte ein middeltemperatur på minus 6,6 grader. Dette er 1,7 grader under normalen for perioden 1991 til 2020.
På Kvamsøy var middeltemperaturen minus 0,2 grader, 2,2 grader under normalen.
På Jonshøgdi på Kvamskogen var middeltemperaturen minus 4 grader. Også dette er 2,2 grader under normalen.
Nedbørsmengda i Noreg var heilt på normalen i januar, ifølgje meteorologane. På Kvamsøy kom 249,7 millimeter med nedbør, som er 77, 4 prosent av normalen. På Jonshøgdi var nedbørsmengda 351,5 millimeter, eller 101,3 prosent av normalen.
Stasjonen på skisenteret på Folgefonna registrerte 309,8 millimeter nedbør. Meteorologisk institutt har ikkje rekna ut ein normal for isbreen, men i Øvre Krossdalen fall 260,3 millimeter nedbør. Det er 107,6 prosent av normalen.
