Ein av fire får baksmell på skatten
I Kvam herad var det i fjor 7.407 skattebetalarar. Av desse har 76 prosent pengar til gode, opplyser Skatteetaten.
24 prosent får restskatt. Total sum pengar til gode var om lag 44,5 millionar kroner. Samla restskatt var om lag 20,3 millionar kroner. Gjennomsnittleg sum til gode var 10.457 kroner. Gjennomsnittleg sum å betala var 15.085 kroner.
I Ullensvang kommune var det i 2020 10.106 skattebetalarar. 79 prosent har pengar til gode, og 21 prosent må betala restskatt. Totalt hadde skattytarane 62,6 millionar kroner til gode og 25,9 millionar kroner å betala. Gjennomsnittleg sum til gode var 10.276 kroner og sum å betala 15.594 kroner.
564.000 vestlendingar har fått tilsendt skattemeldinga. Til saman ligg dei an til å få 3,8 milliardar kroner att på skatten.
— Hugs å sjekka at opplysingane i meldinga stemmer og fyll ut det som manglar, slik at du betalar riktig skatt, oppfordrar skattedirektør Nina Schanke Funnemark i ei pressemelding.
