Ein aprilmånad på det jamne

Tal frå nettsida seklima.met.no fortel at april ikkje hadde store avvik frå det som har vore vanleg dei siste åra.

Målestasjonen på skisenteret på Folgefonna målte ein middeltemperatur på -1,4 grader. Dette er 0,1 grader over normalen for perioden 1991 til 2020.

På Kvamsøy var middeltemperaturen 6,9 grader, eller 0,3 grader over normalen i same periode.

På Jondshøgdi på Kvamskogen var middeltemperaturen 3,2 grader, noko som er 0,1 grader over normalen.

På Kvamsøy kom det 108,8 millimeter med nedbør. Det er 103,6 prosent av normalen. På Jonshøgdi var nedbørsmengda 169 millimeter, noko som er 111,4 prosent av normalen.

Nedbørsmålaren på Folgefonna har ikkje vore i drift i april, men i Øvre Krossdalen kom det 120,1 millimeter nedbør. Det er 109,2 prosent av normalen.