«Dramatikk» ved Straumen

To karar frå USAR-gruppa – Urban Search and Rescue – i Bergen brannvesen var innom for å kursa fem brannkonstablar i tauredning.

Instruktør Tord Blom seier til HF at scenarioet var funn av ein person under trappa ved Straumen. «Personen» som vart funnen, var død og måtte heisast opp.

Dei fem brannkonstablane frå Kvam brann og redning leier kvar sitt brannlag, og skal etter kurset vera i stand til å leia laga sine i liknande situasjonar, fortel Blom.