Dømd igjen — slepp fengsel

Ifylgje domen leverte mannen elektronisk meldekort til Nav med usanne opplysningar mellom mars og mai i 2020. Han arbeidde over 600 timar i ei transportverksemd, men lét vera å føra det opp. Såleis fekk han utbetalt nær 100.000 kroner han ikkje hadde krav på.

I Hordaland tingrett sa mannen seg delvis skuldig etter tiltaleavgjerda. Han sa i retten at han har hatt problem med rusavhengnad sidan tidleg i 20-åra, og at han har hatt omfattande speleproblem som har ført til stor gjeld.

Mannen vart i mars i fjor dømd for mellom anna underslag i eit selskap som han tidlegare dreiv. Den gongen fekk han 270 timar samfunnsstraff med ei gjennomføringstid på 1 år.

Retten påla mannen ei samla straff for begge sakene. Ved samla straff skal det takast omsyn til kva som ville ha vore ei passande straff om lovbrota vart dømde samstundes. 
Den samla straffa enda på 290 timar samfunnsstraff, og lyt gjennomførast på eitt år.

Domen er ikkje rettskraftig.