Dømd for ruskøyring

Kvinna er i Hordaland tingrett dømd til fengsel i 21 dagar. Ho må betala 35.000 kroner i bot etter køyringa i rusa tilstand. Dessutan må ho klara seg utan førarkort i to år og tre månader, og ta førarkortet på ny om ho vil køyra bil att.

Domen er enno ikkje rettskraftig.

Køyreturen fann stad i Kvam og var på om lag sju kilometer. Ingen trafikkuhell oppstod. Kvinna vart stoppa av Utrykkingspolitiet og mistenkt for ruskøyring. Ein blodprøve ein liten time seinare viste ein konsentrasjon av narkotiske stoff i blodet tilsvarande over 1,2 alkoholpromille.

I retten tilstod kvinna utan atterhald.