Desember var varm og våt

I Noreg kom det 30 prosent meir nedbør enn normalt.

Det kjem fram av den klimatologiske månadsoversikta frå Meteorologisk institutt. Månaden vart den 10. våtaste som er registrert sidan 1901.

På Jonshøgdi målestasjon på Kvamskogen kom det over 140 millimeter meir nedbør enn normalt. På Kvamsøy vart det registrert over 145 millimeter meir enn normalt. Det var 24 døgn med nedbør på Folgefonna. Endå våtare var det på Gullfjellet i Bergen og Øvstedal på Voss, som toppa statistikken for dei våtaste stasjonane.

Julaftan vart det registrert 26 centimeter snø på målestasjonen på Kvamskogen. Til samanlikning var det 65 centimeter 27. desember i fjor. På Folgefonna var det 201 centimeter snø 27. desember i fjor. I år vart det målt 182 centimeter den. desember.

Gjennomsnittstemperaturen på Kvamsøy var 1,4 grader over normalen. Endå varmare var det på Folgefonna, med 2,9 grader over normalen, og på Jonshøgdi, med 2,2 grader over normalen.