May Turid Tømmervik er avdelingsbanksjef i Sparebanken Vest i Kvam. Etter eit monaleg overskot kan kundane hennar smila heile vegen til banken.

Deler overskot med kundane

Sparebanken Vest i Norheimsund fører tilbake 13,7 millionar kroner til kundar i Kvam og Jondal.

Håkon Norheim
Journalist
Publisert Sist oppdatert

Det går fram av eit presseskriv frå banksjef May Turid Tømmervik.

Bustadlånkundane i Kvam eller Jondal vil i gjennomsnitt få vel 5.000 kroner inn på konto.

Styret i banken feirar 200-årsjubileet med å setja av 580 millionar kroner frå overskotet i 2022 til kundeutbyte. I tillegg skal 301 millionar kroner gå til allmennyttige føremål i lokalsamfunn på Vestlandet. Tømmervik vonar at lokale eldsjeler vil søkja om pengar til prosjekt som vil gagna fellesskapen.

Kundeutbyte og samfunnsutbyte er delar av overskotsdisponeringa til banken, og vil verta formelt handsama av generalforsamlinga i mars.

økonomi nyhende kvam jondal bank, finans og forsikring sparebanken vest
Laga med Labrador CMS