– Dagens skilt er gode nok
Hardanger fartøyvernsenter har bede om å få setja opp skilt med brun botnfarge og attraksjonssymbol på vegane som leier til senteret.
Publisert
Det bør ikkje senteret få høve til, skriv Vestland fylkeskommune til Statens vegvesen. Fylkeskommunen meiner at eksisterande skilting er god nok for vegfarande, sjølv om skilta ikkje er i samsvar med dagens krav i handbøkene til Statens vegvesen. Tilstanden på skilta er god, med klar og tydeleg tekst og symbol, og skilta gjev ei tydeleg skildring av korleis ein kjem seg til fartøyvernsenteret.
Ny skilting ville ha ført til ein kostnad for senteret og ein større kostnad for fylkeskommunen.
Annonse
– Me finn difor ikkje grunnlag for å erstatta skiltinga, men set saka opp på vår behovsliste for framtidig utbetring, skriv fylkeskommunen.
