Byr inn til høgtideleg opning
Nye Jondal skule og kulturskulen avdeling Jondal vert offisielt opna fredag 27. oktober.
Publisert
Sist oppdatert
Det skriv rådmann Ole-Jørgen Jondahl på heimesida til kommunen.
Byggjeprosjektet har gått over fleire trinn gjennom fleire år, og bygga har litt etter litt vorte tekne i bruk.
Annonse
– No inviterer me til opning med ordføraren, og håpar mange vil koma, skriv rådmannen.
Han byr i tillegg på noko å bita i, innslag ved skulen og kulturskulen og omvising i dei nye bygga.
Arbeidet med uteområdet ved skulen er seinka på grunn av kapasitetsmangel, men det er sett av 2,5 millionar kroner til prosjektet i år, har rådmannen opplyst tidlegare.
