Byggjer tru i Lego
I Øystese har kyrkja starta ein Lego-klubb for born som ein del av trusopplæringsplanen.
Her får borna læra om bibelhistoria og kristne verdiar på ein kreativ måte.
– Klubben er laga for born i 2. klasse, og tilbodet er for alle i rett alder, ikkje berre for dei som er døypte, fortel Solveg Lønning Sangolt, som er leiar for Lego-klubben.
Ho fortel at kvar gong borna møtest, byrjar dei med å syngja og høyra ei bibelhistorie. Etterpå byggjer dei historiene i Lego.
Borna får sjå bilete av bibelhistorier bygde med Lego. Bileta hjelper dei å forstå historiene betre. Temaet varierer, og borna har til dømes bygd Babels tårn, den lamme mannen og stallen der Jesus blei fødd.
Etter bygginga blir borna samla for å eta kveldsmat saman. Dette gjev dei ein hyggjeleg pause der dei kan prata og kosa seg med mat før samlinga vert avslutta.
Sangolt seier at klubben starta rundt 2015–2016. Målet er å læra borna om kristendom og gje dei eit betre forhold til kyrkja. Samtidig får borna vera kreative og ha det gøy med å byggja historier med Lego.
Borna HF snakkar med, fortel «det er veldig kjekt å vera her og å leika med Lego». Lego-klubben går over tre–fire veker på våren og gjev deltakarane eit opplegg der dei både lærer noko nytt og får bruka fantasien. Lego-klubben har vorte ein fin måte for kyrkja å samla borna i lokalmiljøet på. Borna får både ha det gøy og vera samen med andre – og kanskje byggja litt tru samen med Lego-klossane sine!
Journalistane er mediefagelevar på Framnes Kristne Vidaregåande Skule. Red.
