Byggjer fylket stein for stein

I høve opninga av det nye fylkeshuset i Bergen vart det laga ein fylkesvarde med stein frå alle dei 43 kommunane i Vestland. Denne varden skal no få ein sentral plass i 1. etasje i bygget. Fylkeskommunen har bede alle kommunane koma med informasjon om sin stein. Dette skal brukast til å visa gjestene kor steinen er frå og kva han representerer.

I varden er Kvam representert med ein stein frå Tokagjelet som er eit symbol på at det er behov for skredsikring og trygge vegar i heradet. Ullensvang har ein gneis henta på Eitrheimsneset. Han skal symbolisera industrien i kommunen.