– Burde vore tømt

Eit sperregjerde i Tokagjelet, der det rasa ut ei stor blokk onsdag 23. august, er snart fullt av stein.

Det burde vore tømt, skriv varaordførar i Kvam, Frode Nygård (Frp) til byggjeleiar Bente Bergstø i Vestland fylkeskommune. Gjerdet er utsett for ei monaleg vekt, legg han til.

Nygård reknar med at fylkeskommunen informerer dei rette vedkomande som kan gjera ei god vurdering av tilhøva.