Brukarar skal påverka sjukehus
Voss sjukehus skal etablera eit brukarpanel for å evaluera tenestene sine.
Panelet skal ha seks–åtte personar som er eller har vore pasientar eller pårørande ved sjukehuset. Brukarane skal evaluera sjukehuset og tenestetilbodet, opplyser Jorun Sivertsen, kvalitetsrådgjevar ved Haukeland Universitetssjukehus.
Brukarpanelet skal møtast fire til seks gonger årleg og ha ein av sjukehuset sine fast tilsette som koordinator. Målet er at sjukehuset skal utvikla seg og yta betre tenester til pasientane.
