– Brann i personbil
Det vart meldt om brann i ein personbil i Tørvikbygd torsdag ettermiddag.
Publisert
Sist oppdatert
Det skal ikkje vera fare for at brannen spreier seg, melde 110 Vest på X torsdag klokka 13.48. Bilen er ved Tørvikbygdvegen, ifylgje meldinga.
Vaktkommandør Håkon Myking ved 110-sentralen opplyste til HF at personar på staden freista sløkkja brannen med hageslangar medan brannvesenet var på veg litt før klokka 14. Han fortel at ingen skal vera skadd. Meldinga om hendinga kom klokka 13.44, ifylgje Myking.
Annonse
HF-journalisten på staden opplyser at bilbrannen oppstod ved ei rekkje med tre private bustader nær barnehagen. Klokka 14.15 såg brannen ut til å vera meir eller mindre sløkt.
