– Brann i kjellar
Naudetatane rykte ut etter melding om brann i ein kjellar i eit bustadhus i Kvam torsdag føremiddag.
Publisert
Sist oppdatert
Vaktkommandør Tore Fanebust i 110 Vest opplyser til HF at brannen oppstod i samband med arbeid i huset. Det var arbeidarane som melde frå, seier han.
Personar på staden slo ned flammane med ein hageslange, skreiv 110 Vest på X. Ingen vart skadd. Klokka 9.40 vart brannen meldt sløkt.
Annonse
Innsatsleiar Jarle Sjo Myklebust ved Kvam politistasjon opplyser at naudetatane fekk melding om brannen om lag klokka 09. Då naudetatane kom fram, var det kontroll på staden. Huset har fått litt røykskader i kjellaren, opplyser han.
– Det var heldigvis open konstruksjon, og me hadde full oversikt. Me kjem til å oppretta sak, seier Myklebust.
