Botnen vart nådd
Botnagrend vart forkasta. Kvam herad har fastsett adressenamnet til Botnen.
Publisert
Sist oppdatert
Som HF skreiv nyleg, rådde både Språkrådet og Kartverket Kvam herad frå å velja Botnagrend som adressenamn. Heradet er lydhøyrt og gjer ei ny kuvending i saka. No er vedtaket om namnet Botnen stadfesta.
– Mottekne innspel talar eintydig for å stadfesta Botnen som adressenamn, skriv rådmannen.
Annonse
At ho endra syn og tilrådde Botnagrend etter at Roger Botnen klaga på vedtaket om å bruka Botnen, grunngjev rådmannen med at han kom med eit alternativ til det eine som vart fremja i den fyrste høyringsrunden i vår.
