Mann i Børvenestunnelen
Børvenestunnelen vart stengd i kort tid laurdag kveld.
Klokka 20.50 fekk politiet melding om at det var observert ein gåande mannsperson i Børvenestunnelen, og rykte ut. Det opplyser politioverbetjent Anne Siri Tysseland ved Kvam, Samnanger og Tysnes politistasjon.
Vegtrafikksentralen vest meldte på Twitter klokka 20.57 at tunnelen var stengd.
Artikkelen held fram under annonsen.
Då politiet kom til staden, møtte dei ein kar som var på veg ut frå tunnelen, i retning Norheimsund. Mannen vart kontakta og gjord merksam på at det ikkje er lovleg å gå i tunnelen.
— Personen var ikkje kjend med at det ikkje var lov, og vart sterk oppmoda om ikkje å gjera det igjen. Det vart ikkje oppretta sak, seier Tysseland.
Tunnelen opna att klokka 21.03.
