Born møtte smolt

Torsdag fekk ti born og tre vaksne frå Tørvikbygd barnehage sjå kva som skjer innanfor veggane til Hardingsmolt AS. Det opplyser verksemda i ein e-post til HF.

Borna fekk oppleva både yngel og større smolt, og dei fekk ta på fisken. Samstundes fekk dei læra meir om kva som skjer på anlegget, og dei fekk høyra om livet til ein laks frå den er rogn til den er så stor at den vert send vidare til andre anlegg.

Hardingsmolt har kjøpt nye redningsvestar til barnehagen. Desse vart brukte då borna fekk vera med ned på kaien på Solheim for å sjå på brønnbåten «Ronja Azul».