— «Bør» lukka døra klokka 23

Skjenkinga skal gå føre seg i ein pub og nattklubb spesielt retta mot gjester i alderen 18—35 år, ifylgje søknaden som heradsstyret tek stilling til 15. februar.

Rådmannen rår dei folkevalde til å godkjenna søknaden. Ho viser til at det ikkje er kome merknader i høyringa. Vel å merka rår ho til å stilla eit vilkår om at dørene av omsyn til naboane «bør vera lukka» etter klokka 23.

— Næraste naboar til Holmatun har eit høgt gjerde som vern mot støy. Grunneigarar har fått dette opp som vern mot innsyn og støy frå fotballkampar med meir, skriv rådmannen.

Ho hevdar at dei unge over 18 ikkje har nokon møteplass som kan hindra einsemd og «utanforskap». Skjenkinga er difor positiv, slik ho ser det.

Heradsstyret avgjer saka 15. februar.