Mistenkt for promillekøyring etter at bilen hamna på taket
Ein bilførar i 20-åra er uskadd, men mistenkt etter ulukka i Norheimsund grytidleg sundag morgon.
Det opplyser Vest politidistrikt på Twitter litt over klokka 7 sundag morgon.
Bilen skal ha treft vegkanten, tippa over og landa på taket i vegbanen. Ulukka skjedde på fylkesveg 79, like ved Tolo omsorg.
Artikkelen held fram under annonsen.
Bilføraren fekk tilsyn av ambulansepersonell på staden. Vedkomande er mistenkt for køyring etter alkoholinntak, melder politiet.
Det var redusert framkome, men bilberging var sett i gang då HF var på staden.
